Cafodd Jackie ddiagnosis o Sglerosis Ymledol 18 mlynedd yn ôl ac mae’n ceisio cadw’n heini drwy gerdded, ond mae wedi dweud wrthym fod beicio gymaint mwy o hwyl! Mae Jackie’n cael trafferth gyda’i chydbwysedd, felly bu ein swyddogion beicio’n gweithio gyda hi i ddod o hyd i’r trike iawn ar gyfer ei hanghenion - ei phrif nod oedd mwynhau beicio a chael yr hyder i reidio lle bynnag a phryd bynnag y mae hi’n ei hoffi ar ei phen ei hun.

“Mae dod yma’n rhoi ychydig bach mwy i mi i’w wneud oherwydd rwyf wastad yn teimlo na allaf wneud dim oherwydd yr MS ond gallaf! Rwy’n defnyddio’r Mission Electric, sy’n wych, dydw i ddim yn meddwl y byddwn i’n gallu ymdopi â beic heb fodur gan na fyddai fy nghoesau’n ddigon cryf. Rwy’n hoffi defnyddio fy nghoesau os gallaf, ond mae’r modur yno os bydd ei angen arna i.”

Cafodd Jackie rywfaint o hyfforddiant gyda’n swyddogion beicio ac ymunodd â thaith grŵp wythnosol i helpu i feithrin ei hyder. Mae hi bellach wedi prynu ei e-drike ei hun i’w galluogi i feicio’n annibynnol, ond mae’n dal i fwynhau dod i Pedal Power am y cwmnïaeth.